فرمان الہی
نماز کے اوقات
بیوٹمز یونیورسٹی میں اسٹاف کی سروس فائلیں چوری ہونے کا انکشاف ہوا ہے۔
کوئٹہ سے بلوچستان یونیورسٹی آف انفارمیشن ٹیکنالوجی انجینئرنگ اینڈ منیجمنٹ سائنسسز (بیوٹمز) انتظامیہ کے مطابق پرو وائس چانسلر سمیت عملے کی 40 سے زائد فائلیں چوری ہوئی ہیں۔
یونیورسٹی انتظامیہ کا مزید کہنا ہے کہ چوری کی گئی فائلوں میں یونیورسٹی ڈائریکٹرز، ڈین اور گریڈ 19 اور 20 کے افسران کی فائلیں شامل ہیں۔
یونیورسٹی انتظامیہ کے مطابق سروس فائلوں کی چوری کا مقدمہ ایئر پورٹ تھانے میں درج کروادیا ہے۔
دریں اثنا پولیس کا اس حوالے سے کہنا ہے کہ بیوٹمز یونیورسٹی میں فائلیں چوری ہونے کی تحقیقات کی جارہی ہے۔
