فرمان الہی
نماز کے اوقات
دنیا کے آلودہ ترین شہروں میں آج صوبۂ پنجاب کا دارالخلافہ لاہور دوسرے نمبر پر ہے۔
عالمی ویب سائٹ ایئر کوالٹی انڈیکس کے مطابق لاہور کا فضائی معیار انتہائی مضرِ صحت ہے۔
لاہور کی فضا میں آج آلودہ ذرّات کی تعداد 237 پرٹیکیولیٹ میٹر ریکارڈ کی گئی ہے۔
ایئر کوالٹی انڈیکس کے مطابق کراچی کا فضائی معیار بھی مضرِ صحت ہے۔
کراچی آلودہ ترین شہروں کی فہرست میں آج 9 ویں نمبر پر ہے جس کی فضا میں آلودہ ذرّات کی تعداد 172 پرٹیکیولیٹ میٹر ریکارڈ کی گئی ہے۔
اے کیو آئی کے مطابق دنیا کے آلودہ ترین شہروں میں بھارتی دارالحکومت دلی پہلے نمبر پر ہے۔
دہلی کا فضائی معیار انتہائی خطرناک حد تک مضرِ صحت ہے جس کی فضا میں آلودہ ذرّات کی تعداد 300 پرٹیکیولیٹ میٹر ریکارڈ کی گئی ہے۔
اے کیو آئی151 سے 200 انڈیکس مضر جبکہ 201 سے 300 انتہائی مضر قرار دیا جاتا ہے۔
اسی طرح 301 سے اوپر انڈیکس خطرناک آلودگی کو ظاہر کرتا ہے۔
