ایفل ٹاور پر عملے کی ہڑتال ختم، مقام اتوار کو دوبارہ کھول دیا جائیگا

کراچی (نیوز ڈیسک) ایفل ٹاور پر عملے کی ہڑتال ختم، مقام اتوار کو دوبارہ کھول دیا جائیگا۔ تفصیلات کے مطابق ایفل ٹاور آپریٹر کا کہنا ہے کہ ایفل ٹاور پر عملے کی ہڑتال ختم ہوگئی ہے۔ پیرس سٹی ہال کی ملکیت ایس ای ٹی ای کا کہنا ہے کہ ٹاور اتوار کو دوبارہ کھل جائے گا۔ ایفل ٹاور کے ورکرز نے 19 فروری کو پیرس یادگار کے انتظام کے طریقے پر احتجاجاً ہڑتال کی تھی۔ یہ اس وقت ہوا جب پیرس 26 جولائی سے شروع ہونے والے 2024 کے سمر اولمپکس کی میزبانی کرنے کی تیاری کر رہا ہے اور جیتنے والوں کے تمغوں میں ٹاور سے دھات کی نمائش کی جائے گی۔