فرمان الہی
نماز کے اوقات
سندھ سے خالی ہونے والی 2 سینیٹ کی نشستوں پر پیپلز پارٹی کے 4 رہنما کاغذاتِ نامزدگی جمع کروائیں گے۔
ترجمان وزیرِ اعلیٰ سندھ کے مطابق عام انتخابات میں پیپلز پارٹی کے دو سینیٹر نثار احمد کھوڑو اور جام مہتاب ڈہر رکنِ سندھ اسمبلی منتخب ہوئے ہیں۔
ترجمان وزیرِ اعلیٰ سندھ نے بتایا کہ دونوں خالی نشستوں پر پیپلز پارٹی کے 4 رہنما کاغذاتِ نامزدگی فارم جمع کروائیں گے۔
سینیٹ کی خالی نشستوں کے لیے کاغذات جمع کروانے والے پیپلز پارٹی کے رہنماؤں میں اسلم ابڑو، جام سیف اللّٰہ دھاریجو، وقار مہدی اور عاجز دھامراہ شامل ہیں۔
سندھ سے خالی ہونے والی سینیٹ کی ان جنرل نشستوں پر الیکشن 14مارچ ہوں گے۔
ترجمان وزیرِ اعلیٰ سندھ کے مطابق اسی ماہ پیپلز پارٹی کے سندھ سے مزید منتخب 10 سینیٹرز ریٹائر ہو جائیں گے۔
ترجمان وزیرِ اعلیٰ سندھ نے بتایا کہ ریٹائرڈ سینیٹرز کی جگہ پر انتخابات کی تاریخ کا اعلان الیکشن کمیشن کرے گی۔
