پنجاب کے قلیل المدتی بجٹ کی منظوری لینے کا فیصلہ

پنجاب حکومت نے قلیل المدتی بجٹ کی اسمبلی سے منظوری لینے کا فیصلہ کر لیا۔

ذرائع کا کہنا ہے کہ اس حوالے سے پنجاب اسمبلی کا اجلاس اگلے ہفتے طلب کیے جانے کا امکان ہے۔

اجلاس میں آئندہ 3 ماہ کے بجٹ اخراجات کی اسمبلی سے منظوری لی جائے گی۔

پیپلز پارٹی کو بجٹ کے بعد پنجاب کابینہ میں 3 وزارتیں دیے جانے کا امکان

پیپلز پارٹی دوسرے مرحلے میں پنجاب کابینہ میں شامل ہو گی، پیپلز پارٹی کو بجٹ کے بعد پنجاب کابینہ میں 3 وزارتیں دیے جانے کا امکان ہے۔

محکمۂ خزانہ پنجاب نے قلیل المدتی بجٹ اخراجات کی تیاری شروع کر دی۔

پنجاب حکومت نے گزشتہ اسمبلی اجلاس میں 31 مارچ تک 1 ماہ کے بجٹ کی منظوری لی تھی۔

ذرائع کا یہ بھی کہنا ہے کہ بجٹ کی تیاری مکمل کرنے کے بعد پنجاب اسمبلی کا اجلاس طلب کیا جائے گا۔