فرمان الہی
نماز کے اوقات
شہرِ قائد کراچی میں رمضان المبارک کے مقدس مہینے میں اسٹریٹ کرائم اور پولیس مقابلے بڑھ گئے ہیں۔
ذرائع کے مطابق سعید آباد میں 3 ڈاکوؤں نے دکان میں موجود کئی افراد کو لوٹ لیا۔
سعود آباد تھانے کی حدود میں نوجوان گھر کی دہلیز پر موبائل اور نقدی رقم سے محروم ہو گیا۔
کورنگی زمان ٹاؤن میں غوث پاک روڈ پر مبینہ پولیس مقابلے میں 2 ڈاکو مارے گئے۔
گلشنِ معمار جنجال گوٹھ میں بھی مبینہ پولیس مقابلے میں 1 ڈاکو ہلاک اور 1 گرفتار ہوا، ایس ایس پی ویسٹ کے مطابق ہلاک ملزم افغان شہری ہے۔
بلدیہ ٹاؤن، نارتھ ناظم آباد، نیو کراچی، اجمیر نگری، شارع فیصل، ٹیپو سلطان روڈ اور موچکو سے 9 ملزمان گرفتار ہوئے ہیں جن سے اسلحہ، موبائل فون، موٹر سائیکلیں اور نقد رقم برآمد ہوئی ہے۔
کورنگی زمان ٹاؤن میں 2 ڈاکو شہری سے لوٹ مار کر کے فرار ہو رہے تھے، پولیس نے تعاقب کے بعد ان پر فائرنگ کر دی، دونوں ڈاکو گولیاں لگنے سے شدید زخمی ہو گئے۔
زخمی ڈاکوؤں پر عوام نے بھی تشدد کیا تو دونوں ہلاک ہو گئے، ہلاک ہونے والے ڈاکوؤں کی شناخت نہیں ہو سکی۔
مزاحمت پر ملزمان کی فائرنگ سے شہری ابرہیم چنہ زخمی ہوا ہے۔
