فرمان الہی
نماز کے اوقات
کمشنر کراچی نے شہر کی 20 سڑکوں پر رکشوں کے داخلے پر پابندی لگا دی۔
اس حوالے سے جاری نوٹیفکیشن کے مطابق 20 سڑکوں پر رکشے چلانے پر پابندی ڈی آئی جی ٹریفک کی سفارش پر لگائی گئی ہے۔
کراچی کی 20 سڑکوں پر 3 سیٹر اور 5 سیٹر رکشوں کے داخلے پر پابندی ہوگی۔ یہ پابندی 2 ماہ کے لیے عائد کی گئی۔
ٹریفک پولیس کو پابندی پر عملدرآمد کرانے کے لیے اختیارات دے دیے گئے، گزشتہ ماہ شہر کی 11 سڑکوں پر رکشوں کے داخلے پر پابندی عائد کی گئی تھی۔
ان سڑکوں میں شاہراہ فیصل، شاہراہ قائدین، آئی آئی چندریگر روڈ، شیر شاہ سوری روڈ، شہید ملت روڈ، عبداللہ ہارون روڈ، دو تلوار شاہراہ فردوس، اسٹیڈیم روڈ، سر شاہ سلیمان روڈ، راشد منہاس، ماڑی پور روڈ، شاہراہ پاکستان شامل ہیں۔
حب ریور روڈ، قائدآباد سے لانڈھی89، یونیورسٹی روڈ، کورنگی روڈ، اورنگی روڈ، سپرہائی وے سے ملیر ہالٹ اور سرجانی عبداللہ چوک بھی ان سڑکوں میں شامل ہیں جہاں رکشوں پر پابندی عائد کی گئی ہے۔
