• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بالٹی مور حادثہ: 6 لاپتہ افراد میں سے 2 کی لاشیں دریا سے برآمد

تازہ ترین
بین الاقوامی خبریں
28 مارچ ، 2024
--- فائل فوٹو
--- فائل فوٹو

امریکا کے شہربالٹی مور میں پُل گرنے کے باعث مردہ قرار دیئے گئے 6 لاپتہ افراد میں سے 2 کی لاشیں دریا سے نکال لی گئی ہیں۔

غیر ملکی میڈیا رپورٹس کے مطابق فیڈرل سیفٹی حکام کا کہنا ہے کہ خراب صورتحال کے باعث پانی کی گہرائی سے مزید لاشیں نکالنے کی کوششیں معطل کر دی گئی ہیں۔

ان کا کہنا ہے کہ جہاز کے بلیک باکس کے ڈیٹا کے مطابق پل سے ٹکرانے سے قبل جہاز نے ٹگ بوٹ کی مدد طلب کی تھی۔

وائس ایڈمرل پیٹرگوٹیر کا کہنا ہے کہ ہماری اولین ترجیح جہازوں کیلئے آبی گزرگاہ کو بحال کرنا اور خستہ حال جہاز کو وہاں سے نکالنا ہے۔

ان کا کہنا ہے کہ جہاز کے4700 کنٹینرز میں سے 56 میں خطرناک مواد موجود ہے لیکن عوام کیلئے کوئی خطرہ نہیں ہے۔

انہوں نے بتایا کہ تصادم کا شکار ہونے والا بحری مال بردار جہاز 1.5 ملین گیلن سے زیادہ ایندھن لے کر جا رہا تھا۔

یاد رہے کہ دو روز قبل امریکا کے شہربالٹی مور میں کارگو بحری جہاز ٹکرانے سے پل گرنے کا واقعہ پیش آیا تھا۔

بین الاقوامی خبریں سے مزید