ترکیہ نے اسرائیل کو لوہے اور سیمنٹ سمیت 54 اشیاء کی برآمد روک دی

غزہ پر اسرائیلی حملوں کے چھ ماہ بعد ترکیہ نے اسرائیل کو لوہے، سیمنٹ، ماربل اور گرینائٹ سمیت 54 اشیاء کی برآمد روک دی۔ 

اسرائیل کی سیمنٹ، اسٹیل اور ماربل کی 50 فیصد ضرورت ترکیہ سے پوری ہوتی ہیں۔

غزہ میں اسرائیلی فوج کے وحشیانہ حملے جاری، مزید 153 فلسطینی شہید

غزہ میں اسرائیلی فوج کے وحشیانہ حملے جاری ہیں، اس حوالے سے فلسطینی وزارت صحت کے مطابق اسرائیلی حملوں میں گزشتہ 24 گھنٹوں میں 153 فلسطینی شہید ہوگئے۔

ترکیہ نے پابندیاں تب لگائیں جب اسرائیل نے ترکیہ کو ہوائی جہاز سے غزہ میں امداد گرانے کی اجازت نہیں دی، ترکیہ میں اسرائیل سے تجارت روکنے کے لیے عوامی احتجاج بھی کیا جا رہا تھا۔

پابندیوں کے جواب میں اسرائیل نے کہا ہے کہ اسرائیل اب ترکیہ سے وہ اشیاء بھی درآمد نہیں کرے گا، جن پر ترکیہ نے پابندی نہیں لگائی۔ 

اسرائیل نے امریکا کو ترکیہ کی برآمدات رکوانے کی لابنگ شروع کرنے کا اعلان بھِی کیا۔ 2022 میں ترکی نے اسرائیل کو سات ارب ڈالرز جب کہ 2023 میں پونے چھ ارب ڈالرز کی برآمدات کیں۔