دورہ آئرلینڈ و انگلینڈ، پاکستان ٹیم کا اسپن بولنگ کوچ ساتھ نہ لے جانے کا امکان

دورہ آئرلینڈ اور انگلینڈ میں پاکستان کرکٹ ٹیم کا اسپن بولنگ کوچ ساتھ نہ لے جانے کا امکان ہے۔

 ذرائع کا کہنا ہے کہ  نیوزی لینڈ کے خلاف سیریز میں سعید اجمل نے بولنگ کوچ کی ذمے داریاں نبھائیں، انگلینڈ اور آئرلینڈ کی کنڈیشنز میں اسپن بولنگ کوچ کی ضرورت نہیں ہے۔

پاکستان کرکٹ ٹیم کے 2 غیرملکی کوچز کے ناموں کا اعلان

محسن نقوی نے کہا کہ ہم بہتر کرنے میں کامیاب ہوں گے، اظہر محمود ٹیم کو ایک جگہ پر لائے ہیں، ویمن کرکٹ ٹیم کے کوچ بھی لارہے ہیں، ویمن کرکٹ کو برابری پر اوپر لائیں گے۔

دورہ آئرلینڈ اور انگلینڈ میں قومی ٹیم کے سپورٹ اسٹاف میں سعید اجمل کے علاوہ رد و بدل کا امکان نہیں، ٹی ٹوئنٹی ورلڈکپ کے لیے اسپن بولنگ کوچ کا فیصلہ ہیڈ کوچ گیری کرسٹن کریں گے۔

 ذرائع کے مطابق سعید اجمل کو نیشنل کرکٹ اکیڈمی میں اسپن بولرز کو تیار کرنے کی ذمے داری دیے جانے کا امکان ہے،  بنگلادیش کے خلاف سیریز سے قبل قومی ٹیم کے اسپنرز کا کیمپ لگایا جائے گا۔