برطانیہ، صحت دیکھ بھال، ہنرمند اور طلباء کے ویزوں میں 83 فیصد کمی ہوگئی

مانچسٹر(ہارون مرزا)2024 کی پہلی سہ ماہی میں جاری کیے گئے برطانیہ کے کیئر ورکر ویزوں میں 83 فیصد کمی کا انکشاف ہوا ہے۔ صحت اور دیکھ بھال کے شعبہ جا ت میں کام کرنے والے کارکنوں، ہنر مند کارکنوں اور طلباء کو گزشتہ سال کی اسی مدت کے مقابلے میں 83 فیصد کم ویزے جاری ہونے پر ان میں تشویش پائی جا رہی ہے ۔برطانوی ذرائع ابلاغ کے مطابق 2023 کی پہلی سہ ماہی میں جاری کئے گئے 184,000 ویزوں کے مقابلے 2024ے پہلے تین مہینوں میں صحت اور دیکھ بھال کرنے والے کارکنوں، ہنر مند کارکنوں اور طلباء کو 139,100ویزے جاری کیے گئے یہ کمی بیرون ملک مقیم سماجی نگہداشت کے کارکنوں پر اپنے خاندان کے زیر کفالت افراد کو برطانیہ لانے پر پابندی کے نتیجے میں سامنے آئی ہے۔ ہوم آفس کے اعدادوشمار بتاتے ہیں کہ 2023کے اعدادوشمار کے مقابلے اس سال جنوری سے مارچ تک صحت اور دیکھ بھال کرنے والے کارکنوں، ہنر مند کارکنوں اور طلباء کو ویزوں کی تعداد میں مجموعی طور پر 83فیصد کمی واقع ہوئی ورلڈ ویزا گائیڈ کی رپورٹ کے مطابق ویزوں میں کمی بنیادی طور پر بیرون ملک مقیم سماجی نگہداشت کے کارکنوں پر اپنے خاندان کے زیر کفالت افراد کو برطانیہ لانے پر پابندی کے نتیجے میں سامنے آئی ہے گزشتہ سال کے آخر تک ہوم آفس نے ویزا قوانین میں نئی تبدیلیوں کا اعلان کیا جس کا مقصد امیگریشن کو کم کرنا تھا ان میں سے زیادہ تر غیر ملکی طلباء کو سوائے تحقیقی کورسز کے اپنے خاندان کے افراد کو ساتھ لانے سے روکنا تھا۔رواںسال مارچ میں ہنر مند کارکن صحت اور سماجی ویزوں کے لیے 2023کے اعدادوشمار کے مقابلے میں 11,900کم درخواستیں آئیں جب پابندیاں نافذ نہیں تھیں یہ مارچ 2023میں موصول ہونے والی کل14,300 درخواستوں کے مقابلے 2,400درخواستوں کے ساتھ 83فیصد کمی کی نشاندہی کرتا ہے۔ اسکل فار کیئرکے ساتھ افرادی قوت کے اسٹیئرنگ گروپ کے شریک سربراہ ڈیوڈ پیئرسن سمجھتے ہیں کہ اکثر ڈیٹا لیک ہونے کے بعد صنعت پر اصل اثرات کا ابھی پتہ نہیں چل سکا ہے لیکن پھر بھی تشویش کی وجہ ہے، جیسا کہ ایل جی سی کی رپورٹ ہے ان کے بقول یہ کوئی تعجب کی بات نہیں ہے کہ مارچ میں سماجی نگہداشت کے کارکنوں کے لیے ویزے کی دفعات میں ہونے والی تبدیلیوں سے سماجی نگہداشت میں پہلے ہی 152,000آسامیاں خالی ہونے کے بعد ان کے خدشات کا اظہار کیا جائے گا گزشتہ سال گھریلو بھرتیوں میں 30,000 کمی ہوئی تھی اور یہ افرادی قوت کی حکمت عملی کی ضرورت پر زور دیتا ہے جو کام کے حالات، تنخواہ، ترقی، تربیت اور کیریئر کی ترقی سے منسلک ہو برطانیہ کو اس بات کو یقینی بنانا چاہیے کہ اس کے پاس مستقبل کی افرادی قوت کے لیے ایک اچھا منصوبہ ہے تاکہ لوگوں کو سماجی نگہداشت کی خدمات حاصل کرنے میں ان کی مدد کی جا سکے۔ برطانیہ نے ہجرت کی آمد کو کم کرنے کے لیے نئے قوانین متعارف کرائے ہیں ہجرت کو کم کرنے اور برطانوی کارکنوں کو ترجیح دینے کی کوششوں کے ایک حصے کے طور پر برطانیہ میں حکام نے حال ہی میں نئے قوانین متعارف کرائے ہیں تبدیلیوں میں سے ایک ہنر مند لیبر ویزا کے تحت برطانیہ آنے والے افراد کے لیے کم از کم تنخواہ کی حد میں اضافہ اور کمی کے پیشوں کی فہرست کو ختم کرنا، حکومت کی طرف سے اس بات پر غور کرنے کے بعد کہ کسی بھی شعبے کو مستقل طور پر غیر ملکی لیبر پر انحصار نہیں کرنا چاہیے۔