سردار سلیم حیدر نے گورنر پنجاب کا حلف اٹھالیا

سردار سلیم حیدر نے گورنر پنجاب کے عہدے کا حلف اٹھا لیا۔ چیف جسٹس لاہور ہائیکورٹ نے ان سے حلف لیا۔

حلف برداری کی تقریب گورنر ہاؤس میں منعقد کی گئی، جس میں وزیراعلیٰ پنجاب مریم نواز، چیئرمین پاکستان پیپلز پارٹی بلاول بھٹو زرداری نے شرکت کی۔

تقریب میں گورنر خیبر پختونخوا فیصل کریم کنڈی، سابق گورنر پنجاب بلیغ الرحمن، پیپلز پارٹی کے رہنما قمر زمان کائرہ، ندیم افضل چن، مخدوم شہاب الدین، منور انجم ،نوابزادہ افتخار احمد خان بھی شریک تھے۔