پنجاب حکومت نے روٹی کی قیمت میں مزید کمی کردی

پنجاب حکومت نے روٹی کی قیمت میں مزید کمی کردی، سادہ روٹی کی نئی قیمت 14 روپے مقرر کردی گئی، جس کا اطلاق کل سے ہوگا۔

وزیر اعلیٰ پنجاب مریم نواز نے روٹی کی قیمت میں کمی سے متعلق ٹوئٹ کردیا۔

اپنے بیان میں مریم نواز نے کہا کہ مختلف شہروں میں روٹی کی قیمت 12سے 14روپے مقرر کی گئی ہے۔ لاہور میں سادہ روٹی کی قیمت 14روپے مقرر کی گئی ہے۔

اس حوالے سے نوٹیفکیشن کے مطابق ننکانہ صاحب، شیخوپورہ، سرگودھا، جہلم، چکوال، راولپنڈی اور مری میں روٹی 14 روپے میں فروخت کی جائے گی۔

گوجرانوالہ، گجرات، نارووال، سیالکوٹ، وزیرآباد میں بھی روٹی 14 روپے میں دستیاب ہوگی۔

اوکاڑہ، راجن پور، فیصل آباد، جھنگ، ٹوبہ ٹیک سنگھ، حافظ آباد، قصور، ملتان، وہاڑی، چنیوٹ، حافظ آباد، خانیوال، لودھراں، منڈی بہاوالدین، میانوالی، ملتان، ساہیوال اور خوشاب میں روٹی کی قیمت 13 روپے مقرر کی گئی ہے۔

بہاولنگر، بہاولپور، رحیم یارخان، ڈیرہ غازی خان، کوٹ ادو اور لیہ میں روٹی 12 روپے میں دستیاب ہوگی۔