دلجیت دوسانجھ کی آواز میں مشہور گانا ’جگنی‘ مداحوں کو کیسا لگا؟

معروف بھارتی گلوکار دلجیت دوسانجھ نے کنسرٹ میں پاکستانی گلوکار عارف لوہار کے مشہور گانے ’جگنی‘ پر شاندار پرفارمنس دی ہے جس کی ویڈیو سوشل میڈیا پر وائرل ہو گئی۔

سوشل میڈیا پر وائرل ویڈیوز میں دیکھا جا سکتا ہے کہ دلجیت دوسانجھ نے ’جگنی‘ گانا گاتے ہوئے عارف لوہار کی طرح سیاہ رنگ کا دھوتی کرتا بھی پہنا ہوا ہے۔

سوشل میڈیا پر موسیقی کے شائقین کی جانب سے بھارتی گلوکار کی اس پرفارمنس پر ملے جلے ردِعمل کا اظہار کیا جا رہا ہے۔

کچھ صارفین کا کہنا ہے کہ دلجیت دوسانجھ نے اس گانے کو اچھے انداز میں گایا ہے جبکہ کچھ صارفین کا کہنا ہے کہ یہ گانا صرف عارف لوہار کی آواز میں ہی اچھا لگتا ہے۔