بیٹے کی گرفتاری کے بعد شاہ رخ نے تصاویر اور ویڈیوز بنوانا چھوڑ دیا تھا، میڈیا رپورٹ

ناصرف اپنی شاندار اداکاری بلکہ میڈیا میں اپنے اہلِ خانہ کا دفاع کرنے کے حوالے سے مشہور شاہ رخ خان بیٹے کی گرفتاری کے بعد میڈیا سے ہی ناراض ہوگئے تھے۔ 

بھارتی میڈیا رپورٹ میں انکشاف کیا گیا ہے کہ کنگ خان میڈیا اور فوٹوگرافرز سے ملنے اور انہیں تصاویر دینے سے بھی گریز کرنے لگے تھے۔ 

شاہ رخ خان کے بیٹے آریان خان کیسے طالب علم تھے؟

بالی ووڈ کنگ شاہ رخ خان کے بڑے بیٹے آریان خان جوکہ بہت جلد ہی بھارتی فلم انڈسٹری میں بطور ہدایتکار ڈیبیو دینے والے ہیں اُنہوں نے یونیورسٹی آف ساؤدرن کیلیفورنیا سے گریجویشن کی ڈگری مکمل کی۔

رپورٹ میں بتایا گیا کہ شاہ رخ خان میڈیا اور فوٹوگرافرز کی جانب سے تصویریں لینے سے بچتے رہے۔ 

انہوں نے ڈرگز کیس میں اپنے بیٹے آریان کی گرفتاری کے بعد میڈیا پر غصہ کا اظہار کرتے ہوئے ایسا کیا۔ 

آریان خان منشیات کیس:

آریان خان کو 2 اکتوبر 2021 کو کروز شپ پر منشیات کے سلسلے میں چھاپے کے دوران حراست میں لیا گیا تھا۔

آریان 22 دن تک حراست میں رہے، بعد میں این سی بی نے کروز ڈرگ کیس میں 14 افراد کے خلاف چارج شیٹ جاری کی، تاہم اس میں آریان خان کو ہر چیز سے بری کردیا۔