فرمان الہی
نماز کے اوقات
راولپنڈی میں گوجر خان کے علاقے جنڈ گجراں میں اسلام آباد الیکٹرک سپلائی کمپنی (آئیسکو) اہلکار پر تشدد کا واقعہ سامنے آیا ہے، ملزم نے بجلی کا بل مانگنے پر آئیسکو اہلکار کو برہنہ کرکے تشدد کیا اور مونچھیں کاٹ دیں۔
پولیس کا کہنا ہے کہ آئیسکو اہلکار بجلی چوری کی ویڈیو سامنے آنے پر معائنے کے لیے گیا تھا، بجلی کا بل مانگنے پر ملزم گلفام نے آئیسکو اہلکار کو برہنہ کرکے تشدد کیا اور اس کی مونچھیں کاٹ دیں۔
تھانہ گوجر خان کی پولیس نے ملزم گلفام اور اس کے دیگر ساتھیوں پر مقدمہ درج کرلیا۔
ملزم گلفام نے ساتھیوں کے ساتھ مل کر آئیسکو اہلکار کو تاروں سے مارا اور گھسیٹ کر گھر میں لے گیا، جہاں اسے تشدد کا نشانہ بنایا۔
تشدد کرنے والے 3 ملزمان گرفتار کرلیے گئے، باقی 4 کی گرفتاری کے لیے چھاپے مارے جارہے ہیں۔
