فرمان الہی
نماز کے اوقات
وزیراعظم شہباز شریف نے بھارتی وزیراعظم نریندر مودی کو مبارک باد دی ہے۔
شہباز شریف نے نریندر مودی کو تیسری بار وزیراعظم کے عہدے کا حلف اٹھانے پر مبارکباد پیش کی۔
وزیراعظم نے نریندر مودی کیلئے سوشل میڈیا پر مختصر پیغام دیا۔
بھارتی وزیراعظم نریندر مودی نے جوابی پیغام میں شہباز شریف کا شکریہ ادا کیا۔
مسلم لیگ ن کے صدر نواز شریف نے بھی نریندر مودی کو تیسری مرتبہ وزیراعظم بننے کی مبارک باد دی ہے، جس کے جواب میں نریندر مودی نے کہا کہ میں آپ کے پیغام کی قدر کرتا ہوں۔
واضح رہے کہ بھارت کے نو منتخب وزیراعظم نریندر مودی نے مسلسل تیسری بار وزارت عظمیٰ کا حلف گزشتہ روز اٹھایا۔
بھارت کی صدر دروپدی مرمو نے نریندر مودی سے ان کے عہدے کا حلف لیا، تقریب حلف برداری راشٹراپتی بھون (بھارتی ایوان صدر ) میں ہوئی تھی، جس میں نومنتخب ارکان اسمبلی اور مہمان شریک تھے۔
حلف برداری کی تقریب میں بنگلادیش، سری لنکا، مالدیپ، ماریشس سمیت کئی ممالک کے سربراہان بھی شریک تھے۔
نریندر مودی جواہر لعل نہرو کے بعد تیسری مدت کا عہدہ سنبھالنے والے دوسرے بھارتی وزیراعظم ہیں۔
