مناسک حج آخری مراحل میں داخل

18 جون ، 2024

مسلمانوں کے سب سے بڑے مذہبی اجتماع حج کے مناسک کی ادائیگی آخری مراحل میں داخل ہو گئی۔

دنیا بھر سے سعودی عرب میں موجود لاکھوں حجاجِ کرام ایامِ تشریق کے آخری روز تینوں جمرات (شیطانوں) کی رمی میں مصروفِ عمل ہیں۔

آج حجاج مغرب سے قبل منیٰ سے مکہ مکرمہ اپنی رہائش کی جانب لوٹ جائیں گے، جو حاجی آج وقتِ مقررہ پر نہ لوٹ سکے گا وہ اگلے دن رمی کے بعد عارضی خیموں کا شہر چھوڑ دے گا۔

مکہ مکرمہ پہنچنے والی حجاج کرام کی بڑی تعداد بیت اللّٰہ کے طوافِ وداع میں مصروف ہے جبکہ جو حجاج ادائیگیٔ حج کے لیے آخری دنوں میں پہنچے تھے، اب وہ منیٰ سے روضۂ رسولﷺ پر حاضری کے لیے مدینہ منورہ روانہ ہو گے۔

خیال رہے کہ اس سال 1 لاکھ 60 ہزار پاکستانیوں نے فریضۂ حج ادا کیا ہے، حجاج کرام کی وطن واپسی کے لیے حج پروازوں کا آغاز 20 جون سے ہو گا۔

بین الاقوامی خبریں سے مزید