فرانس میں پاکستانی مصنوعات کے فروغ کے لئے معاہدہ

پیرس(رضا چوہدری) پاکستان بزنس فورم فرانس اور انٹرنیشنل بزنس اینڈ پروفیشنل کارپوریشن آف یونائیٹڈ کنگڈم نے تجارت اور تجارتی تعاون کو فروغ دینے کے لئے مفاہمت کی ایک یادداشت پر دستخط کئے ہیں۔ فرانس میں پاکستان کے سفیر عاصم افتخار احمد نے ایم او یو پر دستخط کی تقریب میں شرکت کی جس کا مقصد فرانس میں میڈ ان پاکستان مصنوعات کو فروغ دینا ہے۔ پاکستان میں کاروباری امکانات پر تبادلہ خیال کرتے ہوئے، شرکاء نے سرمایہ کاری اور ترقی کے لیے سازگار ماحول فراہم کرکے بیرون ملک کاروباری برادری کو سہولت فراہم کرنے پر گہری توجہ دینے پر خصوصی سرمایہ کاری سہولت کونسل (SIFC) کے کام کو خاص طور پر سراہا۔پاکستان بزنس فورم فرانس کے چیئرمین سردار ظہور اقبال نے فورم کی طرف سے جبکہ انٹرنیشنل بزنس اینڈ پروفیشنل یوکے کی طرف چیئرمین رضوان سلہری نے دستخط گئے۔ اس موقع پر اس بات پر روشنی ڈالی گئی کہ ون ایس آئی ایف سی کی ونڈو سہولت کے تحت پیش کیے جانے والے مواقع سے استفادہ کرنے کے لیے پاکستان نژاد فرانسیسی تاجروں کے ایک وفد کا پاکستان کا دورہ کرنے کا امکان ہے تاکہ سرمایہ کاری کے مواقع تلاش کیے جا سکیں اور یورپ کو پاکستان کی برآمدات کو فروغ دیا جا سکے۔