سوناکشی کی شادی، ان دیکھی تصاویر و ویڈیوز شتروگھن سنہا نے شیئر کر دیں

بالی ووڈ کے معروف اداکار شتروگھن سنہا نے اپنی لاڈلی بیٹی کی شادی کی مختلف تقریبات سے ان دیکھی تصاویر اور ویڈیوز سوشل میڈیا پر اپنے پرستاروں کے ساتھ شیئر کر دیں۔

حال ہی میں بالی ووڈ دبنگ گرل اداکارہ سوناکشی سنہا اور ان کے دیرینہ بوائے فرینڈ و اداکار ظہیر اقبال رشتہ ازدواج میں منسلک ہوئے۔

شادی کے اس پُر مسرت موقع پر مختلف تقریبات کا اہتمام کیا گیا، 23 جون کو سب سے پہلے سول ویڈنگ اداکارہ کے گھر پر منعقد کی گئی جس میں دونوں خاندانوں کے عزیز و اقارب نے شرکت کی۔

سوناکشی کی شادی، لو سنہا کے بعد کُش سنہا نے بھی خاموشی توڑ دی

حال ہی میں زندگی کے نئے سفر کا آغاز کرنے والی بالی ووڈ کی دبنگ اداکارہ سوناکشی سنہا کے بھائی کش سنہا نے بہن کی شادی پر غیر موجودگی کے معاملے پر خاموشی توڑ دی۔

شادی کی تقریب کے بعد نوبیاہتا جوڑے نے ممبئی کے مقامی ریستوران میں شاندار استقبالیہ کی تقریب کا اہتمام کیا۔

تاہم اب دلہنیا کے والد و سینیئر اداکار شتروگھن سنہا نے شادی کی مختلف تقریبات سے چند یاد گار و ان دیکھی تصاویر اور ویڈیوز سماجی رابطے کی ویب سائٹ ایکس پر پوسٹ کی ہیں۔

سوشل میڈیا پوسٹ میں انہوں نے شادی میں شریک مہمانوں کا شکریہ ادا کیا اور اپنی لاڈی کی شادی کو اس صدی کی شادی قرار دے دیا۔

انہوں نے لکھا کہ عاجزی و انکساری کے ساتھ آپ سب کا شکریہ ادا کرنا چاہتا ہوں جنہوں نے اپنی موجودگی سے ہمارے خاص دن کو اور بھی خاص بنا دیا۔

انہوں نے مزید لکھا کہ ہماری پیاری بیٹی سوناکشی سنہا اور ظہیر اقبال اپنی زندگی کے خوبصورت سفر میں ایک نئے باب کا آغاز کر رہے ہیں، اس موقع پر آپ سب کے پیار، محبت اور نیک خواہشات نے اسے اس صدی کی شادی بنا دیا ہے۔

سوناکشی سہنا کے اس جوڑے کی قیمت کیا ہے، جان کر حیران رہ جائیں گے

حال ہی میں بالی ووڈ اداکارہ سوناکشی سنہا اور اداکار ظہیر اقبال رشتہ ازدواج میں منسلک ہوگئے۔

واضح رہے کہ اس سے قبل شتروگھن سنہا نے اپنی بیٹی کی ظہیر اقبال سے ہونے والی شادی پر ردعمل ظاہر کرتے ہوئے کہا تھا کہ یہ بھی کوئی پوچھنے کی بات ہے؟ ہر باپ اس لمحے کا انتظار کرتا ہے جب اس کی بیٹی اپنے پسندیدہ شخص کے ساتھ زندگی گزارنے کا فیصلہ کرے۔ میری بیٹی ظہیر کے ساتھ سب سے زیادہ خوش نظر آتی ہے۔ انکی جوڑی سلامت رہے۔

انہوں نے یہ بھی کہا تھا کہ 44 برس قبل میں نے اپنی پسند کی بہت کامیاب، بہت خوبصورت، بہت باصلاحیت لڑکی پونم سنہا سے شادی کی تھی اب سوناکشی کی باری ہے کہ وہ اپنی پسند کے لڑکے سے شادی کریں۔