فیصل واؤڈا سپریم کورٹ کے احاطے میں سجدہ ریز

سینیٹر فیصل واؤڈا نے سپریم کورٹ آف پاکستان کے احاطے میں میڈیا ٹاک سے پہلے سجدہ کیا ہے۔

سینیٹر فیصل واؤڈا اپنے خلاف توہینِ عدالت کا نوٹس واپس ہونے پر سجدۂ شکر بجا لائے۔

فیصل واؤڈا سپریم کورٹ سے نکلتے ہی سپریم کورٹ کے احاطے میں سجدہ ریز ہو گئے۔

از خود توہینِ عدالت نوٹس: فیصل واؤڈا اور مصطفیٰ کمال کی غیر مشروط معافی قبول

سپریم کورٹ آف پاکستان میں فیصل واؤڈا اور مصطفیٰ کمال کے بیان پر از خود توہینِ عدالت نوٹس کی سماعت کے دوران فیصل واؤڈا نے بتایا کہ میں نے بھی معافی مانگی ہے۔

فیصل واؤڈا سجدۂ شکر ادا کرنے کے بعد میڈیا سے بات کیے بغیر سپریم کورٹ سے روانہ ہو گئے۔

واضح رہے کہ سپریم کورٹ آف پاکستان نے آج فیصل واؤڈا اور مصطفیٰ کمال کی غیر مشروط معافی قبول کر لی ہے۔

عدالتِ عظمیٰ نے فیصل واؤڈا اور مصطفیٰ کمال کے خلاف توہینِ عدالت کا نوٹس بھی واپس لے لیا ہے۔