حزب اللّٰہ کے اسرئیلی فوجی اہداف پر 200 سے زائد راکٹ و ڈرون حملے

حزب اللّٰہ نے اسرئیل کے فوجی اہداف پر 200 سے زیادہ راکٹ اور ڈرون حملے کیے ہیں۔ 

بیروت سے عرب میڈیا کے مطابق حزب اللّٰہ کا کہنا ہے کہ یہ حملے سینیئر حزب اللہ کمانڈر کی شہادت کے جواب میں کیے گئے ہیں۔

حزب اللّٰہ کے اینٹی ٹینک و راکٹ انچارج ناصر کو نشانہ بنایا: اسرائیلی فوج

اسرائیلی فوج نے جنوبی لبنان میں ڈرون حملے میں حزب اللّٰہ کے کمانڈر محمد نیمہ ناصر کو نشانہ بنانے کی تصدیق کی ہے۔

دوسری جانب اسرائیل کا کہنا ہے کہ راکٹ اور ڈرون حملوں کے حزب اللّٰہ کے دعوے کا جائزہ لے رہے ہیں جبکہ اسرائیلی فوج نے دعویٰ کیا ہے کہ لبنان میں حزب اللّٰہ کے اہداف پر حملے کر رہے ہیں۔

واضح رہے کہ گذشتہ روز اسرائیلی فوج نے لبنانی شہر صور کے مضافات میں گاڑی پر ڈرون حملہ کرکے حزب اللّٰہ کے سینئر کمانڈر ابو نعمہ کو شہید کردیا تھا، حملے میں ان کا بیٹا شدید زخمی ہوا۔