بانیٔ پی ٹی آئی نے خیبر پختونخوا کے صوبائی وزراء سے کیا کہا؟

خیبر پختون خوا کے وزیرِ صحت قاسم علی شاہ اور وزیرِ ہائیر ایجوکیشن مینا خان نے گزشتہ روز بانیٔ پی ٹی آئی سے ملاقات کی ہے۔

ذرائع کے مطابق ملاقات میں بانیٔ پی ٹی آئی نے متعلقہ وزراء کی کارکردگی سے متعلق پوچھا۔

صوبائی وزراء نے اپنے محکموں کے اب تک کے اقدامات سے بانیٔ پی ٹی آئی آگاہ کیا۔

جتنے مقدمات بنانے ہیں بنالیں کوئی ڈیل نہیں کروں گا، بانی پی ٹی آئی

بانی پی ٹی آئی کا کہنا تھا کہ حکومت میں موجود ریلو کٹے فوج کو ورغلاتے ہیں کہ پی ٹی آئی کو ختم کر دے،

اس موقع پر بانیٔ پی ٹی آئی نے وزیرِ صحت خیبر پختون خوا قاسم علی شاہ کو کارکردگی بہتر بنانے کی ہدایت کی۔

بانیٔ پی ٹی آئی نے صحت کے شعبے میں شہریوں کو زیادہ سے زیادہ سہولتیں دینے کی ہدایت بھی کی۔

صوبائی وزرا نے بانیٔ پی ٹی آئی کو کارکردگی مزید بہتر بنانے کی یقین دہانی کرائی۔

صوبائی وزیر مینا خان نے میڈیا کو بتایا کہ بانیٔ پی ٹی آئی سے ملاقات بہترین رہی، انہوں نے ہماری بہت حوصلہ افزائی کی، ضروری ہدایات بھی دیں۔