سپریم کورٹ: الیکشن ٹریبونل کیس کاز لسٹ سے ڈی لسٹ کردیا گیا

سپریم کورٹ آف پاکستان نے الیکشن ٹریبونل کے کیس کو کازلسٹ سے ڈی لسٹ کردیا۔

چیف جسٹس آف پاکستان جسٹس قاضی فائز عیسیٰ کی سربراہی میں 5 رکنی بینچ نے 19 اگست کو الیکشن ٹریبونل کیس کی سماعت کرنا تھی۔

ذرائع کے مطابق الیکشن ٹریبونل کیس سلمان راجا کے وکیل کی درخواست پر ڈی لسٹ کیا گیا۔

ذرائع کے مطابق پی ٹی آئی رہنما سلمان راجا کے وکیل حامد خان نے درخواست دی تھی کہ وہ 6 ستمبر تک رخصت پر ہیں۔

عدالت عظمیٰ نے پنجاب میں الیکشن ٹریبونلز کی تشکیل کا لاہور ہائی کورٹ کا فیصلہ معطل کر رکھا ہے جبکہ سلمان اکرم راجا نے سپریم کورٹ فیصلے کے خلاف اپیل دائر کر رکھی ہے۔