خالد مقبول کا بیان حسد پر مبنی ہے، شرجیل میمن

سندھ کے سینئر صوبائی وزیر شرجیل انعام میمن نے کہا ہے کہ خالد مقبول صدیقی کا بیان حسد کی بنیاد پر مبنی ہے۔

چیئرمین متحدہ قومی موومنٹ (ایم کیو ایم) پاکستان ڈاکٹر خالد مقبول صدیقی کے بیان پر ردعمل دیتے ہوئے شرجیل انعام میمن کا کہنا تھا کہ خالد مقبول صدیقی کا بیان حقیقت کے برعکس ہے۔

انہوں نے کہا کہ جناح اسپتال کراچی، این آئی سی وی ڈی اور این آئی سی ایچ تین بڑے اسپتال ہیں، ان اسپتالوں کو باقاعدگی سے فنڈ فراہم کیا جاتا ہے۔

کراچی پورے ملک کو خیرات دے رہا ہے: خالدمقبول صدیقی

ایم کیو ایم پاکستان کے چیئرمین اور وفاقی وزیر خالد مقبول صدیقی نے کہا ہے کہ پاکستان کے عوام کی نمائندگی عوام نہیں، خاندان کر رہے ہیں، تلخیاں اتنی ہیں مگر ہم نے اپنے دل میں چھپا کر رکھی ہیں۔

شرجیل انعام میمن کا کہنا تھا کہ کورونا کے دوران جے پی ایم سی کو 10 کروڑ 40 لاکھ روپے کے فنڈز دیے۔

انہوں نے یہ بھی کہا کہ سندھ حکومت ان اسپتالوں کی بہتری کےلیے اب تک 157 ارب سے زائد فنڈ جاری کرچکی۔

واضح رہے کہ اپنے بیان میں ڈاکٹر خالد مقبول صدیقی کا کہنا تھا کہ پاکستان کے عوام کی نمائندگی عوام نہیں، خاندان کر رہے ہیں۔ پاکستان دنیا کا آخری ملک ہے جہاں جاگیردارانہ نظام موجود ہے۔