فرمان الہی
نماز کے اوقات
کراچی (اسٹاف رپورٹر) سابق ٹیسٹ فاسٹ بولر محمد آصف نے کہا کہ ہم 2024 کے ورلڈکپ میں امریکا سے ہارے جو پہلی بار یہ ایونٹ کھیل رہے تھے، وہ کوالیفائی بھی نہیں کر سکے، انہوں نے یہ ورلڈکپ اس لیے کھیلا کیونکہ وہ میزبان تھے۔ اس وقت جس طرح کی صورتحال چل رہی ہے، اس سے تو لگتا ہے کہ امریکا اگلے ورلڈکپ 2026 میں بھی پاکستان کو ہرائے گا، میں آپ کو اس بات کی ضمانت دیتا ہوں۔ ایک انٹرویو میں انہوں نے کہا کہ 2026 کے ورلڈکپ سے پہلے ہمیں کپتان، کوچ اور کھلاڑیوں کو تبدیل کرنا ہوگا، 2 سال منصوبہ بندی کرنے کی ضرورت ہے کہ یہ ٹیم ہے، یہ وہ 20 کھلاڑی ہیں جن کے ساتھ ہم کام کرنا چاہتے ہیں لیکن ہم وہی باتیں دہرا رہے ہیں۔
