لیاری جنرل اسپتال کے کالج آف نرسنگ کی خاتون پرنسپل کو ہراساں کرنے کے معاملے پر ڈاکٹرز، نرسز، پیرا میڈیکل عملے نے اسپتال کے مختلف شعبوں کو بند کروا دیا۔
لیاری جنرل اسپتال کے ڈاکٹرز، نرسز اور پیرامیڈیکل اسٹاف کی جانب سے احتجاج کیا گیا جس کے نتیجے میں تمام او پی ڈیز بند ہو گئیں۔
ڈاکٹروں اور اسپتال کے دیگر عملے کے احتجاج کے پیشِ نظر مریض پریشان نظر آئے۔
مظاہرین کی جانب سے مطالبہ کیا جا رہا ہے کہ خاتون پرنسپل کو ہراساں کرنے والے طلباء کو گرفتار کیا جائے۔