شاید خود بھی اپنے ٹیلنٹ سے انصاف نہیں کیا، فہیم اشرف

پاکستان کرکٹ ٹیم کے آل راؤنڈر فہیم اشرف نے کہا ہے کہ شاید میں نے خود بھی اپنے ٹیلنٹ سے انصاف نہیں کیا۔

جیو نیوز سے گفتگو میں فہیم اشرف نے کہا کہ بطور پلیئر میں اپنی کارکردگی سے کبھی بھی مطمئن ہو کر نہیں بیٹھتا۔

چیمپئنز ون ڈے کپ: مارخورز نے اسٹالینز کو 126 رنز سے مات دیدی

چیمپئنز ون ڈے کپ میں مارخورز نے اسٹالینز کو 126 رنز سے شکست سے دوچار کردیا۔

انہوں نے کہا کہ میری ہمیشہ کوشش ہوتی ہے کہ ہر بار پہلے سے بہتر کروں۔ 

قومی آل راونڈر نے مزید کہا کہ تمام بیسٹ پلیئرز چیمپئنز ون ڈے کپ میں شرکت کر رہے ہیں۔ کوئی کم بیک کی کوشش کرے گا جبکہ کوئی اس ٹورنامنٹ سے جگہ پکی کرنے کی کوشش کرے گا۔

ان کا کہنا تھا کہ میری کوشش ہوگی کہ یہاں اچھا پرفارم کرکے چیمپئنز ٹرافی کےلیے کم بیک کروں۔

فیصل آباد: بابراعظم اور محمد رضوان کے مداحوں کی بڑی تعداد اسٹیڈیم میں موجود

فیصل آباد کے اقبال اسٹیڈیم میں قومی ٹیم کے اسٹار بیٹرز بابراعظم اور محمد رضوان کی مداحوں کی بڑی تعداد موجود رہی۔

فہیم اشرف نے یہ بھی کہا کہ شاید میں نے خود بھی اپنے ٹیلنٹ سے انصاف نہیں کیا، میں ریڈ بال اور ٹی ٹوئنٹی کرکٹ کو زیادہ انجوائے کرتا ہوں۔

انہوں نے کہا کہ پرفارمنس کے باوجود موقع نہیں ملتا تو دکھ ہوتا ہے لیکن میں منفی سوچ سے دور رہتا ہوں۔