گورنر سندھ کا افغان حکومت سے سفارتی عملہ واپس بلانے کا مطالبہ

گورنر سندھ کامران خان ٹیسوری نے قومی ترانے کی بے حرمتی پر افغانستان حکومت سے اپنے سفارتی عملے کو واپس بلانے کا مطالبہ کردیا۔

کامران ٹیسوری نے گورنر ہاؤس میں پریس کانفرنس کرتے ہوئے کہا کہ علی امین گنڈاپور کو افغان قونصل جنرل کو کہنا چاہیے تھا کہ آپ میرے دفتر میں بیٹھیں۔

افغان قونصل جنرل کا اقدام سفارتی اصولوں کی خلاف ورزی ہے، دفتر خارجہ

دفتر خارجہ نے افغان قونصل جنرل کی جانب سے تقریب کے دوران پاکستانی ترانے کی بے حرمتی کی مذمت کردی ۔

گورنر سندھ نے کہا کہ معلوم نہیں افغان قونصل جنرل کو ذہنی معذوری تھی یا جسمانی؟ جو پاکستان کی عظمت کو نہیں مانتا وہ افغانستان چلا جائے۔

گورنر سندھ کا کہنا تھا کہ 2040 کا ڈرافٹ تیار کرلیا ہے، پاکستان کو آگے کیسے بڑھنا ہے اس معاملے پر تمام اسٹیک ہولڈرز کو 25 دسمبر کو ساتھ بٹھائیں گے۔

انہوں نے کہا کہ اپنی کرسی پر نہ بھی رہے تو پارٹی کی ذمے داریاں ادا کرتے رہیں گے۔

کامران ٹیسوری نے مزید کہا کہ معاشی مسائل کا حل نظام مصطفیٰ اور سودی نظام کے خاتمے میں ہے، ربیع الاوّل کے پورے مہینے گورنر ہاؤس میں نعت خوانی کے پروگرام ہوں گے۔