پاکستان اسٹاک 2024 میں دنیا کی بہترین مارکیٹ رہی ہے، بلوم برگ

بلوم برگ نے کہا ہے کہ پی ایس ایکس کا 100 انڈیکس ایک دہائی کی سب سے زیادہ بیرونی خریداری پر بند ہوا، پاکستان اسٹاک 2024 میں دنیا کی بہترین مارکیٹ رہی ہے۔

پاکستان اسٹاک ایکسچینج (پی ایس ایکس) میں آج زبردست تیزی پر بلوم برگ کا کہنا ہے کہ بیرونی فنڈ نے رواں سال 8.7 کروڑ ڈالر مالیت کے شیئر خریدے ہیں۔

پی ایس ایکس میں زبردست تیزی، 100 انڈیکس میں 997 پوائنٹس کا اضافہ

پی ایس ایکس بینچ مارک 100 انڈیکس کاروباری دن کے اختتام پر 997 پوائنٹس اضافے کے ساتھ 81 ہزار 459 پوائنٹس پر بند ہوا۔

بلوم برگ کے مطابق بیرونی خریداری اور بہتر معاشی اعشاریوں نے رجحان مثبت کیا ہے، 100 انڈیکس 1.1 فیصد اضافے سے 81459 پر بند ہوا۔

بلوم برگ نے کہا کہ انڈیکس کی تاحال بلند ترین اختتامی سطح 81865 ہے، 100 انڈیکس رواں سال 30 فیصد بڑھا ہے۔ 100 انڈیکس نے آج کاروباری دن کی ریکارڈ سطح بنائی ہے۔