اسلام آباد ہائیکورٹ، بشریٰ بی بی کی گرفتاری سے روکنے کی درخواست پر اعتراض لگ گیا

بانی چیئرمین پاکستان تحریک انصاف (پی ٹی آئی) عمران خان کی اہلیہ بشریٰ بی بی کی گرفتاری سے روکنے کی درخواست پر اسلام آباد ہائی کورٹ نے اعتراض لگادیا۔

بشریٰ بی بی نے عدالت عالیہ اسلام آباد میں اپنے خلاف درج مقدمات کی تفصیلات کی فراہمی کےلیے درخواست دائر کی۔

اسلام آباد ہائی کورٹ: حکومت کو بانی پی ٹی آئی، بشریٰ بی بی کی زندگی کا تحفظ یقینی بنانے کی ہدایت

اسلام آباد ہائی کورٹ نے وفاق کو بانی چیئرمین پاکستان تحریک انصاف (پی ٹی آئی) عمران خان اور اُن کی اہلیہ بشریٰ بی بی کی زندگی اور صحت کا تحفظ یقینی بنانے کی ہدایت کردی۔

بانی چیئرمین پی ٹی آئی کی اہلیہ نے درخواست میں اسلام آباد ہائیکورٹ کی اجازت کے بغیر کسی نئے مقدمے میں گرفتاری روکنے کی استدعا کی۔

جسٹس میاں گل حسن اورنگزیب کل بشریٰ بی بی کی درخواست پر اعتراض کے ساتھ سماعت کریں گے۔

درخواست پر اعتراض لگایا گیا ہے کہ کسی بھی مقدمے میں گرفتاری روکنے کا ریلیف کیسے مانگا جاسکتا ہے؟

بشریٰ بی بی کی درخواست میں سیکریٹری داخلہ، آئی جی اسلام آباد اور دیگر کو فریق بنایا گیا ہے۔