حزب اللّٰہ کا تل ابیب پر پہلا میزائل حملہ، موساد ہیڈکوارٹر نشانہ

لبنان سے حزب اللّٰہ نے اسرائیلی دارالحکومت تل ابیب پر پہلا میزائل حملہ کردیا، حملے میں موساد ہیڈکوارٹر کو نشانہ بنایا گیا۔

تاہم اسرائیل نے دفاعی نظام سے میزائل تباہ کرنے کا دعویٰ کردیا۔

لبنانی مزاحمتی تحریک حزب اللّٰہ نے پہلی بار ’قادر 1‘ بیلسٹک میزائل داغا، جس نے تل ابیب میں اسرائیلی اہداف کو نشانہ بنایا۔

اسرائیل اور لبنانی مزاحمتی تحریک حزب اللّٰہ کی جنگ کا دائرہ مزید پھیل گیا

حزب اللّٰہ کا کہنا ہے کہ واکی ٹاکی اور پیجر حملوں پر یہ ابتدائی ردِعمل ہے۔

اسرائیلی میڈیا نے رپورٹ کیا کہ تل ابیب میں ایک لاکھ صہیونی سائرن بجنے کے چند ہی منٹوں میں پناہ گاہوں میں چلے گئے، تل ابیب کے شمال میں موجود دیگر علاقوں میں بھی سائرن بجائے گئے۔

فلسطینی شہاب نیوز ایجنسی نے تفصیل بیان کی کہ حزب اللّٰہ نے تل ابیب کی طرف قادر 1 میزائل داغا تھا، یہ میزائل ایک طویل فاصلے تک مار کرنے والا بیلسٹک میزائل سمجھا جاتا ہے، جو 15.5 سے 16.58 میٹر لمبا ہے جبکہ اسکا قطر 1.25 میٹر ہے۔

اسرائیلی فوج نے راملہ میں الجزیرہ ٹی وی کے بیورو آفس پر دھاوا بول دیا

عرب ٹی وی کا کہنا ہے کہ یہ حکم اسرائیلی فوجی اتھارٹی کی طرف سے آیا، حالانکہ یہ دفتر اوسلو معاہدے کے تحت فلسطینی کنٹرول والے علاقے اے میں واقع ہے۔

قادر 1 کا وزن 15 سے 17.5 ٹن تک ہوتا ہے اور اس کا وار ہیڈ 700 سے 1,000 کلو گرام وزنی ہوتا ہے، جس کی رینج 1,350 کلومیٹر سے 1,950 کلومیٹر تک ہے۔

دوسری جانب اسرائیل کی جانب سے لبنان پر تازہ حملے کیے گئے ہیں۔ گزشتہ روز 250 لڑاکا طیاروں نے 2 ہزار سے زائد بم برسائے۔

لبنان میں جاں بحق افراد کی تعداد 596 ہوگئی ہے، 1800 سے زائد افراد زخمی ہیں۔

حزب اللّٰہ نے اپنے کمانڈر کی خیریت سے آگاہ کردیا، اسرائیلی فوج کا دعویٰ جھوٹا نکلا

حزب اللّٰہ کا کہنا ہے کہ اس کے سینئر رہنما علی کرکی خیریت سے ہیں،حزب اللّٰہ جنوبی فرنٹ کے کمانڈر علی کرکی اسرائیلی حملے میں محفوظ رہے۔

بیروت پر حملے میں حزب اللّٰہ کے اہم کمانڈر ابراہیم قبیسی شہید ہوگئے۔

لبنان میں تعلیمی ادارے ایک ہفتے کے لیے بند کردیے گئے۔

امریکا کے بعد برطانیہ نے بھی اپنے شہریوں کو فوری لبنان چھوڑنے کی ہدایت کردی۔

لبنان سے برطانوی شہریوں کو نکالنے کےلیے 700 فوجی قبرص میں تعینات کرنے کا اعلان کیا گیا ہے۔ لبنان اسرائیل جنگ پر سلامتی کونسل کا اجلاس آج ہوگا۔