فرمان الہی
نماز کے اوقات
وزیراعلیٰ پنجاب مریم نواز نے نابینا افراد کے احتجاج کا نوٹس لے لیا اور لاہور پولیس اور انتظامیہ کو ان مظاہرین پر کسی قسم کی سختی نہ کرنے کی ہدایت کردی۔
لاہور سے جاری بیان کے مطابق مریم نواز نے چیف سیکریٹری زاہد اختر زمان کو نابینا افراد سے بات چیت کرکے مسائل حل کرنے کی ہدایت کی ہے۔
وزیراعلیٰ پنجاب نے مزید کہا کہ انہیں خصوصی افراد کے مسائل کا مکمل احساس ہے، مظاہرین جو بھی کریں پولیس بصارت سے محروم افراد سے تحمل سے پیش آئے۔
انہوں نے نابینا افراد کے تشدد سے زخمی ہونے والے پولیس اہلکاروں سے ہمدردی کا اظہار کیا اور پولیس اہلکاروں کےسر پھاڑنے کے باوجود وزیراعلیٰ نے نابینا افراد سے تحمل کے ساتھ پیش آنے کی ہدایت کی۔
بصارت سے محروم افراد ملازمتوں کے کوٹے پر عملدرآمد کےلیے 9 دن سے فیصل چوک پر دھرنا دیے ہوئے ہیں ۔
نابینا افراد نے سڑک واگزار کرانے کی کوشش پر پولیس اہلکاروں پر تشدد کیا۔
