کراچی میں نالوں پر قائم کمرشل تعمیرات کو مسمار کیا جائے گا، سعید غنی

وزیرِ بلدیات سندھ سعید غنی نے کہا ہے کہ کراچی میں نالوں پر قائم کمرشل تعمیرات کو مسمار کیا جائے گا۔

کراچی میں میڈیا سے گفتگو کرتے ہوئے سعید غنی نے کہا کہ تجاوزات، سڑکوں کی مرمت اور دیگر مسائل پر اجلاس طلب کیا ہے۔

کراچی کی مختلف سڑکیں مرمتی کام کی منتظر

ایم اے جناح روڈ پر سیون ڈے اسپتال کے قریب مرمتی کام جاری ہے جبکہ اسی شاہراہ پر دیگر کئی مقامات پر بھی سڑک ٹوٹ پھوٹ کا شکار ہے۔

سعید غنی نے کہا کہ اجلاس میں تمام ٹاؤن چیئرمین اور میونسپل کمشنرز کو طلب کیا گیا ہے، ابتدائی طور پر 30 سڑکوں کی نشاندہی کی گئی ہے۔

انہوں نے کہا کہ نشاندہی کی جانے والی سڑکوں سے تجاوزات ختم کریں گے، کراچی میں تجاوزات کے خلاف آپریشن میں تیزی لائی جائے گی۔