فرمان الہی
نماز کے اوقات
انٹرنیشنل کرکٹ کونسل (آئی سی سی) کے بورڈ اجلاس میں چیمپئنز ٹرافی 2025 کی تیاریوں پر اطمینان کا اظہار کیا گیا۔
دبئی میں آئی سی سی کی تین روزہ میٹنگ اختتام کو پہنچی، بورڈ میٹنگ میں پی سی بی کے چیئرمین محسن نقوی نے شرکت کی۔
ذرائع کے مطابق چیئرمین محسن نقوی نے میٹنگ میں شرکت کی اور چیمپئنز ٹرافی کی تیاریوں اور انتظامات کا جائزہ لینے کےلیے بورڈ ممبرز کو پاکستان آنے کی دعوت بھی دی۔
اجلاس میں یقین دہانی کروائی کہ اسٹیڈیمز کی اپ گریڈیشن سمیت تمام کام وقت مقررہ میں مکمل ہوجائیں گے۔
آئی سی سی بورڈ اجلاس میں پی سی بی حکام کی جانب سے چیمپئنز ٹرافی 2025 کی تیاریوں سے متعلق رپورٹ بھی پیش کی گئی۔
ذرائع کے مطابق تیاریوں سے متعلق رپورٹ پر آئی سی سی بورڈ میٹنگ میں اطمینان کا اظہار کیا گیا، چیمپئنز ٹرافی ٹورنامنٹ اگلے سال فروری مارچ میں پاکستان میں شیڈول ہے۔
تین روزہ آئی سی سی میٹنگز میں آئی سی سی چیئر اور انڈیپنڈنٹ ڈائریکٹر کی میعاد کو تین سال کی مدت میں تبدیل کرنے کی سفارش کی گئی اور مینز کرکٹ کمیٹی میں اسکاٹ ویننک کو فل ممبر کا نمائندہ اور اسکاٹ ایڈورڈز کو ایسوسی ایٹ ممبر کا نمائندہ مقرر کیا گیا۔
