فرمان الہی
نماز کے اوقات
سربراہ جمعیت علماء اسلام (ف) مولانا فضل الرحمان نے کہا ہے کہ اسلامی نظریاتی کونسل کی سفارشات پارلیمنٹ میں محض پیش نہیں پاس ہوں گی۔
ڈیرہ اسماعیل خان میں جلسے سے خطاب کرتے ہوئے مولانا فضل الرحمان کا کہنا تھا کہ ہمارے آئین کی بنیاد اسلام پر ہے، آئین کہتا ہے کہ اسلام پاکستان کا مملکتی مذہب ہوگا، تمام قوانین قرآن و سنت کے تابع ہوں گے۔
انہوں نے کہا کہ اسلامی نظریاتی کونسل قرآن و سنت کی روشنی میں سفارشات مرتب کرے گی۔ 26ویں ترمیم کے تحت اسلامی نظریاتی کونسل کی سفارشات پارلیمنٹ میں محض پیش نہیں پاس ہوں گی۔
مولانا فضل الرحمان نے یہ بھی کہا کہ اسلامی نظریاتی کونسل کی سفارشات کا نتیجہ قانون سازی پر ہوگا۔
سربراہ جے یو آئی (ف) کا کہنا تھا کہ یہ ملک سیکولر ملک نہیں، یہ مذہبی ملک ہے۔ قرآن وسنت کے منافی قانون سازی نہیں کرسکتے۔
انہوں نے کہا کہ عوام کی شراکت داری کو تسلیم کیا گیا ہے، آمریت نہیں ہوگی۔ حق حکمرانی عوام کے منتخب لوگوں کو حاصل ہوگا۔
