فرمان الہی
نماز کے اوقات
کراچی میں سیکیورٹی خدشات پر ایئر پورٹ کے اطراف سیکیورٹی بڑھا دی گئی۔
پولیس حکام کے مطابق ماڈل کالونی سے جناح ٹرمینل جانے والی سڑک ٹریفک کے لیے بند ہے۔
حکام کا کہنا ہے کہ اسٹار گیٹ سے جناح ٹرمینل آنے والی سڑک اور پہلوان گوٹھ سے ایئر پورٹ آنے والی سڑک پر ناکہ لگایا گیا ہے۔
پولیس حکام نے کہا ہے کہ ٹریفک کو ماڈل کالونی سے شارعِ فیصل کی طرف موڑا جا رہا ہے، جناح ٹرمینل جانے والی سڑک بند ہونے سے ماڈل کالونی روڈ پر ٹریفک کی روانی متاثر ہے۔
حکام کے مطابق ایئر لائن اسٹاف، مسافروں اور دیگر ملازمین کو ایئر پورٹ پہنچنے میں مشکلات کا سامنا کرنا پڑ رہا ہے۔
پولیس حکام نے بتایا ہے کہ محلقہ علاقوں سے ایئر پورٹ جانے والے راستوں پر ناکے ہیں یا انہیں بند کر دیا گیا ہے۔
