فرمان الہی
نماز کے اوقات
گوجرانوالہ اور گجرات کے درمیان چناب ٹول پلازہ پر 2 باراتیں راستوں کی بندش کی وجہ سے واپس لوٹ گئیں۔
پاکستان تحریک انصاف (پی ٹی آئی) احتجاج کے پیش نظر راستوں کی بندش کے باعث دل والے دلہنیا نہ لے جا سکے، گوجرانوالہ اور گجرات کے درمیان چناب ٹول پلازہ پر دو باراتیں پھنس گئیں۔
دولہے اور بارات کی گاڑیاں گھنٹوں انتظار کرنے کے بعد واپس لوٹ گئیں، باراتیں سیالکوٹ اور گوجرانوالہ سے گجرات اور جہلم جا رہی تھیں۔
حکومتی ناکہ بندیوں کے باعث موٹر ویز بھی سنسان ہوگئیں، مختلف شہروں کو سفر کرنے والے شہری پریشان ہوگئے۔
مریضوں اور میتوں کو لے جانے والی ایمبولینسز بھی پھنس گئیں، چناب ٹول پلازہ پر میت لے جانے والی ایمبولینس کو راستہ نہ ملا، ایمبولینس ڈرائیور اور لواحقین کی منت و سماجت کے بعد پولیس نے ایمبولینس کو جانے کی اجازت دی۔
ٹیکسلا میں بھی جی ٹی روڈ کی بندش سے آکسیجن لگے نومولود کو لے جانے والی ایمبولینس بھی پھنس گئی۔
