فرمان الہی
نماز کے اوقات
پاکستان تحریک انصاف (پی ٹی آئی) کے رہنما شعیب شاہین کا کہنا ہے کہ مظاہرہ پی ٹی آئی کے مطالبات مانے جانے تک جاری رہے گا۔
جیو نیوز کے پروگرام کیپیٹل ٹاک میں گفتگو کرتے ہوئے شعیب شاہین نے کہا کہ مظاہرہ اس وقت تک جاری رہے گا، جب تک پی ٹی آئی کے مطالبات نہیں مانے جاتے یا بانی تحریک انصاف خود مظاہرہ ختم کرنے کا نہ کہہ دیں۔
پروگرام میں گفتگو کرتے ہوئے رہنما ن لیگ ڈاکٹر طارق فضل چوہدری نے کہا کہ حکومت مذاکرات کے آپشن سمیت تمام آپشنز کو ساتھ لے کر چل رہی ہے۔
واضح رہے کہ پاکستان تحریک انصاف کا قافلہ علی امین گنڈا پور اور بشریٰ بی بی کی قیادت میں اسلام آباد کی حدود میں داخل ہوگیا۔
چائنا چوک اور ڈی چوک پر پولیس تعینات ہے، سیکریٹری داخلہ نے ڈی چوک جا کر سیکیورٹی کا جائزہ لیا۔ جڑواں شہروں کے تعلیمی ادارے کل بھی بند رکھنے کا اعلان کردیا گیا۔
آج دن بھر مختلف مقامات پر ،، تحریک انصاف کے کارکنوں اور پولیس اہلکاروں میں جھڑپیں ہوئيں ، کٹی پہاڑی پر پی ٹی آئی کارکن رکاوٹیں عبور کرکے آگے نکلے، ہکلہ انٹر چینج پر کارکنوں ںے شیلنگ سے بچنے کےلیے جھاڑیوں کو آگ لگادی۔ بشریٰ بی بی نے راستے میں کارکنوں سے خطاب بھی کیا ۔
