فرمان الہی
نماز کے اوقات
تامل اداکار اجیت کمار کے اداکاری کے علاوہ اور بھی کئی شوق ہیں جنہیں وہ پورا کرنے کی ہر ممکن کوشش کرتے ہیں ان کا ایسا ہی ایک شوق اسپورٹس کار چلانا ہے۔
اپنے اسی شوق کو پورا کرنے کیلئے اجیت کمار ایک مرتبہ پھر ریسنگ ٹریک پر واپس آگئے ہیں جو اب بارسیلونا-کاتالونیا سرکٹ میں اپنی آئندہ مہم کیلئے نظر آئیں گے۔
جنوبی بھارتی اداکار کے ایک فین کلب کی جانب سے ایکس (سابقہ ٹوئٹر) پر انکی تصاویر شیئر کی گئیں اور تحریر کیا گیا کہ ’’اسپین کے بارسیلونا ایف ون سرکٹ سے اجیت۔ وہ ایک منصوبے پر ہیں۔‘‘
بتایا جارہا ہے کہ وہ 15 برس بعد ریسنگ ٹریک پر دوبارہ نظر آرہے ہیں، وہ آئندہ برس 24 ایچ دبئی 2025 اور یورپی 24 ایچ سیریز چیمپئن شپ میں گاڑی دوڑاتے نظر آئیں گے۔
