فرمان الہی
نماز کے اوقات
5 اکتوبر کے احتجاج اور ہنگامہ آرائی کے مقدمات میں پی ٹی آئی رہنما علیمہ خان، عظمیٰ خان، سلمان اکرم راجہ اور دیگر کی ضمانتوں میں 18جنوری تک توسیع کر دی گئی۔
لاہور کی انسدادِ دہشت گردی کی عدالت میں ن لیگ آفس اور کلمہ چوک پر کنٹینر جلانے سمیت 9 مئی کے دیگر مقدمات میں پی ٹی آئی رہنماؤں اور کارکنوں کی ضمانت کی درخواستوں پر سماعت ہوئی۔
انسدادِ دہشت گردی کی عدالت کے جج ارشد جاوید نے ضمانت کی درخواستوں پر سماعت کی جہاں علیمہ خان اور عظمیٰ خان پیش ہوئیں۔
اپوزیشن لیڈر عمر ایوب، فواد چوہدری، اسد عمر اور اعظم خان سواتی بھی عدالت میں پیش نہیں ہوئے تھے۔
عدالت نے پی ٹی آئی رہنماؤں کی عبوری ضمانتوں میں 14 جنوری تک توسیع کر دی۔
عدالت میں جے آئی ٹی کے تفتیشی افسروں نے رپورٹ پیش کی جس کے مطابق علیمہ خان اور عظمیٰ خان سمیت تمام ملزمان قصور وار ہیں۔
عدالت نے کہا کہ اسد عمر کئی سماعتوں سے مسلسل غیر حاضر ہیں، وکلاء دلائل دیں تو استثنیٰ کی درخواست منظور کر لی جائے گی۔
وکلاء نے ضمانت کی درخواستوں پر دلائل کے لیے مہلت طلب کر لی۔
عدالت نے عمر ایوب، اسد عمر اور فواد چوہدری کی ایک پیشی کے لیے استثنیٰ کی درخواست بھی منظور کر لی۔
