فرمان الہی
نماز کے اوقات
کراچی (اسٹاف رپورٹر) پاکستان سپر لیگ کے دسویں ایڈیشن کیلئے کھلاڑیوں کی ڈرافٹنگ 11 جنوری کو ہو گی۔ ذرائع کا کہنا ہے کہ کھلاڑیوں کی رجسٹریشن کا عمل شروع ہوگیا۔ پاکستان سپر لیگ 10 کے معاملات کو حتمی شکل دینے میں تیزی آ گئی ہے، پی ایس ایل انتظامیہ اور فرنچائز کے درمیان میٹنگز کا سلسلہ جاری ہے۔ ذرائع نے بتایا کہ دو روز قبل بھی میٹنگ ہوئی تاہم کسی حتمی نتیجے پر نہیں پہنچا جا سکا جبکہ سامنے آنے والی تجاویز پر آنے والی میٹنگز میں غور ہو گا اور حتمی شکل دی جائے گی۔ رجسٹریشن کےعمل میں بڑے بڑے غیر ملکی ناموں کو شامل کرنے کی کوششیں جاری ہیں۔ فرنچائزز بھی آئی پی ایل معاہدوں سے محروم رہ جانے والے بڑے ناموں کی رجسٹریشن کے خواہشمند ہیں جبکہ بڑے بڑے ناموں سے خود بھی رابطے کئے جارہے ہیں۔
