فرمان الہی
نماز کے اوقات
پاراچنار کی کشیدہ صورتحال پر نمائش چورنگی پر ایم ڈبلیو ایم کا احتجاجی دھرنا جاری ہے جبکہ شہر کے مختلف مقامات پر احتجاج کے باعث ٹریفک کی روانی متاثر ہوئی ہے۔
ایم ڈبلیو ایم نے عباس ٹاؤن، ملیر 15، شاہراہ فیصل کالا چھپرا اور شاہ فیصل کالونی پر احتجاج کیا، جس کے باعث کئی سڑکیں ٹریفک کےلیے بند کردی گئیں۔
ٹریفک پولیس حکام کے مطابق مین نیشنل ہائی وے ملیر 15 سے قائد آباد جانے والی سڑک بند کردی گئی ہے۔
شاہراہ فیصل سے کالا چھپرا آنے جانے والی دونوں سڑکیں ٹریفک کیلئے بند ہونے کے باعث ایئرپورٹ جانے والے مسافروں کو پریشانی کا سامنا ہے۔
احتجاج کے باعث شارع فیصل، ایم اے جناح روڈ، ابوالحسن اصفہانی روڈ، شاہ فیصل کالونی اور ملیر نیشنل ہائی وے پر ٹریفک جام ہے، جس کے نتیجے میں گاڑیوں کی طویل قطاریں لگ گئیں، متصل دیگر شاہراہوں پر ٹریفک کا شدید دباؤ ہے۔
احتجاج کے باعث کراچی یونیورسٹی کے قریب بھی ٹریفک کی روانی متاثر ہے۔
