فرمان الہی
نماز کے اوقات
کراچی(اسٹاف رپورٹر)نیشنل اسٹیڈیم کراچی نے آئندہ ماہ سہ فریقی کرکٹ ٹورنامنٹ کے دو میچوں اورچیمپنز ٹرافی کے افتتاحی میچ سمیت تین میچوں کی میزبانی کرے گا۔پاکستان کرکٹ بورڈ کا کہنا ہے کہ نیشنل اسٹیڈیم میں سول ورک 100 فیصد ہوچکا ہے، فنشنگ ورک 80 فیصد مکمل ہے ۔منگل کو صحافیوں کو اسٹیڈیم کا دورہ کرایا گیا اور کام کی تفصیلات سے آگاہ کیا گیا۔نیشنل اسٹیڈیم اپ گریڈیشن کے پراجیکٹ ہیڈ بلال چوہان کا کہنا ہے کہ سول انجینئرنگ کا کام 100 فیصد مکمل ہوچکا ہے، نئی بلڈنگ کے فرنٹ گلاس کا کام جاری ہے، بلڈنگ کے اندر کی دونوں لفٹ تیار ہیں۔ لائٹس کراچی پورٹ سے کلیئر ہوچکی ہیں بدھ سےسے اسکی تنصیب کا کام شروع ہو جائے گا ، بلال چوہان نے کہا کہ ری پلے اسکرین ایک دو روز میں دبئی سے کراچی پہنچ جائیں گی ، سول ورک 100 فیصد ہوچکا ہے، فنشنگ ورک 80 فیصد مکمل ہے ، ایئر کنڈیشنگ کی ٹیسٹنگ بھی ہوگئی ہے، گلاس ورک مکمل ہونے کے بعد دوبارہ اس کو ٹیسٹ کیا جائے گا، انہوں نے کہا کہ نئی بلڈنگ کے دو فلور وی آئی پی باکسز ہیں جس کا فرنیچر ایک دو روز میں لگا دیا جائے گا ، ملبے کو ہٹانے کیلئے کے ایم سی بھی تعاون کر رہا ہے، سارے کام کے اختتام پر اسٹیڈیم کی چھت کی صفائی بھی کی جائے گی ۔
