فرمان الہی
نماز کے اوقات
کراچی(اسٹاف رپورٹر)آئی سی سی چیمپنز ٹرافی کے لئے منگل سے آن لائن ٹکٹوں کی فروخت شروع ہوگئی۔شائقین کی غیر معمولی دلچسپی اور ویب سائٹ پر ٹریفک زیادہ ہونے کی وجہ سےٹکٹوں کی خریداری میں مشکلات کا سامناہے۔ ویب سائٹ کے سرورز بیٹھ گئے۔ٹکٹوں کی ان لائن فروخت والی ویب سائٹ نے سرورز کی تعداد بڑھانے کا کام شروع کر دیا ہے۔آئی سی سی فیملی ممبرز کو خصوصی طور پر یہ سہولت حاصل ہوگی کہ وہ پہلے یہ ٹکٹ خرید سکتےہیں ۔ پریمیم سیٹس مختلف کیٹگریز میں پندرہ سو روپے سے دستیاب ہیں جن میں کراچی لاہور اور راولپنڈی میں ہونے والے دس میچز شامل ہیں۔فزیکل ٹکٹس بھی پاکستان میں مخصوص سینٹرز پر دستیاب ہونگے جن کا اعلان مناسب وقت پر کیا جائے گا۔ آئی سی سی کے چیف کمرشل آفیسر انوراگ داھیاکا کہنا ہے کہ ہم آفیشل ٹکٹس کی فروخت کا اعلان کرتے ہوئے خوشی محسوس کرتے ہیں۔یہ ایک یادگار موقع ہے کہ پاکستان 1996 کے بعد پہلے گلوبل ٹورنامنٹ کی میزبانی کررہا ہے۔ہمیں یقین ہے کہ آئی سی سی چیمپئنز ٹرافی میں تمام ٹیمیں بہترین کھیل پیش کریں گی۔اس ٹورنامنٹ میں دنیا کی بہترین ٹیمیں حصہ لے رہی ہیں۔
