فرمان الہی
نماز کے اوقات
بالی ووڈ اداکار اور لیجنڈری بھارتی گلوکار مکیش کے پوتے نیل نتین مکیش نے ماضی میں اپنے ساتھ پیش آنیوالے ایک دلچسپ واقعے کا انکشاف کیا جس میں نیویارک ایئرپورٹ پر حکام نے انہیں بھارتی ماننے سے انکار کرتے ہوئے حراست میں لے لیا تھا۔
نیل نیتن مکیش کے مطابق انکے پاس بھارتی پاسپورٹ بھی موجود تھا لیکن پھر بھی حکام نے یقین نہیں کیا۔
ایک بھارتی میڈیا ادارے کے ساتھ انٹرویو میں اس واقعے کا ذکر کرتے ہوئے 43 سالہ اداکار نے بتایا کہ وہ 2009 کی فلم نیویارک کی شوٹنگ کےلیے وہاں گئے تھے۔
انہوں نے کہا کہ ایئرپورٹ حکام مجھ سے مسلسل سوالات تو کر رہے تھے لیکن مجھے وضاحت کا موقع نہیں دے رہے تھے۔
جب نیل سے پوچھا گیا کہ پھر وہ اس صورتحال سے کیسے عہدہ برآ ہوئے؟ تو انہوں نے بتایا کہ وہاں چار گھنٹے گزر گئے تو ایئرپورٹ حکام نے کہا کہ آپ کیا کہنا چاہتے ہیں جس پر میں نے صرف یہ کہا کہ آپ میرا نام لکھ کر گوگل کرلیں۔
انہوں نے بتایا کہ جس کے بعد وہ اتنے شرمندہ ہوئے کہ انہوں نے میرے دادا اور والد کے بارے میں سوال پوچھنا شروع کر دیے۔
واضح رہے کہ نیل کے والد نیتن مکیش بھی معروف گلوکار ہیں۔
نیل حال ہی میں مزاحیہ ایکشن کامیڈی حساب برابر میں نظر آئے۔ 2024 کی اس فلم کی ڈائریکشن اشونی دھیر نے دی، فلم میں آر مادھون کے ساتھ کیرتی کلہاری، رشمی ڈیسائی اور فیصل رشید بھی شامل ہیں۔
