فرمان الہی
نماز کے اوقات
فیڈرل بورڈ آف ریونیو (ایف بی آر) نے ٹیکس چوری روکنے کے لیے اضافی عملہ اور وسائل مانگ لیے۔ ایف بی آر کا کہنا ہے کہ ٹیکس چوری کے خلاف فیلڈ آپریشن اور انفورسمنٹ بڑھانا چاہتے ہیں۔
ذرائع کے مطابق ٹیکس مشینری کو ہر 200 روپے آمدن کے بدلے صرف 1 روپیہ ملتا ہے، بھارت میں ٹیکس آپریشنز پر مجموعی ریونیو کا 1.5 فیصد خرچ ہوتا ہے۔
ایف بی آر ذرائع کے مطابق پاکستان میں ٹیکس آپریشنز پر اخراجات صرف 0.44 فیصد کے مساوی ہیں۔
ذرائع کے مطابق گزشتہ مالی سال پنجاب ریونیو اتھارٹی کا سالانہ ٹیکس ہدف 240 ارب تھا۔ صوبائی محکمے میں تنخواہیں و مراعات وفاقی حکومت کی نسبت 20 گنا زیادہ ہیں، چینی، سیمنٹ، تمباکو اور کھاد فیکٹریوں کی نگرانی کے لیے صرف چند گاڑیاں ہیں۔
ایف بی آر ذرائع کے مطابق اکثر فیکٹریاں ملک کے دور دراز علاقوں میں واقع ہیں۔
