فرمان الہی
نماز کے اوقات
سابق کپتان سلمان بٹ نے کہا ہے کہ پاکستانی کرکٹ ٹیم کو چیمپئنز ٹرافی میں ہوم گراؤنڈ کا فائدہ حاصل ہے۔
جھنگ میں میڈیا سے گفتگو کرتے ہوئے سلمان بٹ کا کہنا تھا کہ چیمپئنز ٹرافی کے لیے جنوبی افریقہ، نیوزی لینڈ، آسٹریلیا اور بھارت اچھی ٹیمیں ہیں۔
اپنی بات جاری رکھتے ہوئے انہوں نے کہا کہ چیمپئنز ٹرافی جیتنے والی ٹیم کے بارے میں پیش گوئی کرنا قبل ازوقت ہے۔
سلمان بٹ کا کہنا تھا کہ جب ٹیم کی سلیکشن ہوئی تو بہت سے لوگوں کو تحفظات تھے۔ ساؤتھ افریقہ اور آسٹریلیا سے سیریز جیتنے والی ٹیم میں چار تبدیلیاں حیران کن ہیں۔
سابق کپتان نے کہا کہ 50 اوورز کے میچ بہترین پارٹنر شپ سے جیتے جاسکتے ہیں۔
انہوں نے یہ بھی کہا کہ نیوزی لینڈ میں اسپیشلسٹ بالرز کو مار پڑی ہے اور اب اسپنرز کو زیادہ محنت کی ضرورت ہے۔
