فرمان الہی
نماز کے اوقات
وزارت مذہبی امور نے کہا ہے کہ عمرہ زائرین کےلیے پولیو سے بچاؤ کی ویکسین لازمی ہے۔
اسلام آباد سے جاری بیان میں ترجمان وزارت مذہبی امور نے کہا کہ سعودی جنرل اتھارٹی آف سول ایوی ایشن نےپولیو ویکسین سے متعلق مراسلہ جاری کیا ہے۔
ترجمان کے مطابق مراسلے میں عمرہ زائرین کےلیے پولیو سے بچاؤ کی ویکسین لازمی قرار دی گئی ہے۔
ترجمان وزارت مذہبی امور کے مطابق زائرین روانگی سے کم از کم 4 ہفتےقبل پولیو ویکسین حاصل کرنے کا سرٹیفکیٹ ہمراہ رکھیں۔
ترجمان کے مطابق روانگی کے وقت ویکسی نیشن کے عمل کو 6 ماہ سے زیادہ عرصہ نہیں ہونا چاہیے، تمام عمرہ زائرین متعلقہ ادارے، پولیس ویکسی نیشن کی شرط پر سختی سے عمل درآمد کریں۔
ترجمان وزارت مذہبی امور کے مطابق خلاف ورزی پرمتعلقہ اداروں کےخلاف قانونی کارروائی ہوسکتی ہے۔
