• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
14 فروری ، 2025

یونیورسٹی میں میڈیا اسٹڈیز کی پہلی کلاس تھی۔

پچیس طلبہ دیکھ کر میں خوش ہوا۔

تعارفی کلمات کے بعد سوال کیا،

آپ میں سے کون رحیم اللہ یوسفزئی جیسا رپورٹر بننا چاہتا ہے؟

کلاس میں خاموشی رہی

تو دریافت کیا،

کوئی ہے جو ضمیر نیازی جیسا صحافی بننے کا خواہش مند ہو؟

سناٹا برقرار رہا تو کہا،

کیا کوئی آئی اے رحمان،

اردشیر کاوس جی اور منہاج برنا کے نقش قدم پر نہیں چلنا چاہتا؟

اس بار بھی جواب نہ آیا۔

میں نے تنگ آکر پوچھا،

آخر آپ یہاں کیا بننے آئے ہیں؟

ایک نوجوان نے ترنت جواب دیا،

یوٹیوبر۔

تازہ ترین